7 Mai 2020
Pli rakoun la té ka manjé moso sadin , pli ni an bagay ki té ka angwé y , akondi i té lé kryé mé i pa té ka rivé.
Azania té sa li, i wè anlè bwet la ki té ni piman adan , i sipozé ki sé piman ki té ka brilé goj Ti-rakoun , alos i bay bwè tibwen dlo pou soulajéy ;
Epi an moman i santi bet la ka mofwazé , fidji vini ka sanm ta an mun.
Epi bèt la pwan lapawol.
Ti-rakoun di'y konsa :
"mèsi konpè , mèsi ou tiré mwen anba lanmen bouro a ki ka sèvi w papa a".
di mwen jodi sa an pé fè baw ?
Azania mété koy ka tranblé telman i té pè , sé primyé fwa i té ka tann zanimo palé .
Malgré i té ka koumansé abityé épiy dépi lè yo chapé ansanm , tala pa ka té pasé konsa.
Ti rakoun la viré koumansé palé bay :
" Fok pa ou pè !" Jou a rivé pou ou sav ki moun ou yé an vérité ,pandan lontan foss tala ki ou ni andidan w la té séré , piman an fè mwen konpwann ki jou a té rivé pou té fè w sav ki moun ou yé.
Azania pwan tan'y épi i désidé koy réponn :
" ki moun mwen yé ? mwen é sé ych papa mwen épi manman mwen !!!"
Ti manmay la té ni ti koté woss li osi , i doubout douvan bet la épi i di y mé rakoun pa ka palé ? Ou sé an jan gajé alo?
Rakoun la réponn ; " Non Azaniah !! listwa nou tibren ka sanm , ou osi sé chayé fosé yo menen w isi a"!
Azania : "chayé fosé ? sa sa yé sa? " mwen paka konpwann ayen rakoun anni di mwen tout sinon anni pé la !!!
Rakoun rété sézi i santi sa i lévé a té kay menen anpli bagay adan lavi tifi a , i santi chaj la lou alos i di y konsa ;
Azania annou fini manjé épi nou kay pozé apré , mwen poko pé ba w tout an sel kou .
Fok an ba w an ti tan avan .
Poko chèché sav ki manyè mwen sav tou sa mwen sav la .