amizman pou fè nou valsé

Amizman pou fè nou valsé. Olyé nou rété véyatif nou  simen pran y festif.

Nou simen fèmen zyé, pran an pyé olyé  sonjé ladjè a ki  pa jen bout.

Pwézon an tout zasiet , mé nou paka sispan fè lafèt. 

Dlo ka débòdé épi maladi , konsomasion kous kouri pou  trapé malkadi.

I si sa vré ki lavi sé an bel kado , ni ki sé lé ba dot moun poté chaj la ki ta yo menm.

Akwèdi ni an konpanni moun ka pran lérestan pou dé malmilé ou dé bourik.

Péyi a menm pou pa rété dan sézon chimérik  ka dansé pou nannan menm épi chik an pyéy .

Lontan parisien an boudé domino a épi doub blan y la.

Adan lékol kotyen an , nonm ka pran primyé plas douvan.

Ni ki konpwann yo pli malen ki dot é chak jou sé  silon lapo w yo ka ba w biyé pa lapenn ou.

Jistis la ni plis vitess ki loto w menm.

Tala ki volè w la , pé viré vann ou épi achté w an menm balan an.

Nou pri adan an landomi san fen. E yo jis rivé fè nou kwè ki sé an ba grenn yo selman nou kay rivé viv bien.

Comments

[Shana]

Très bel article, très intéressant et bien construit. Je reviendrai me poser chez vous. N"hésitez pas à visiter mon univers (lien sur pseudo). A bientôt.

[Shana]

J’aime beaucoup votre blog. Un plaisir de venir flâner sur vos pages. Une belle découverte et blog très intéressant. Je reviendrai m’y poser. N’hésitez pas à visiter mon univers (lien sur pseudo). Au plaisir.